فريق Net Club حاسبات ومعلومات الزقازيق
mkkimo
Fri, Oct 23, 2015 9:13 PM

ليه ال Net Club ؟

ايه اللي يخليني مثلا اصدق أي نشاط طلابي م أركز ف دراستي وخلاص ؟

مبدأيا كدا فكرة ال Net Club بدأت ب تلات ولاد فكرو يعملو حاجه تفيدهم وتفيد غيرهم .. فضلت الفكره قيد التفكير والتخطيط سنه كامله تقريبا من غير إعلان عنها ... جمعوا ناس ظبطوا المسؤولين وبدأت #الرحلة 

الرحلة اللي عارفين كويس جدا انها هتكون مشوار صعب ومليان عقبات بس احنا قررنا منستسلمش smile 

التيم اكتمل ف الأجازه وعلمنا اجتماعاتنا ف #الكليه وبدأنا ب 20 شخص ف الاجازه ناس منهم طلعت لعدم التزامها .

علمنا دفعه أولى من الناس ف #الاجازه وكنا بنفكر لدوقتي للحظه دي لما ننزل الفورم ونقول للناس انضموا للتيم بتاعنا . الناس اللي علمناهم دول مع كل تيم ليدر من الأول من مؤسسين الفكره هيكونو مع الناس اللي هتخش أول ب أول يدوهم الماتريال وكل حاجه محتاجينها smile

طيب الماتريال دي هتكون عباره عن ايه ؟ أو احنا هنعلم الناس ايه أصلا ؟ وهل الفكره مجرد فكره أكادميه تعلميه بحته بس والا ايه ؟

بص حضرتك innocent

العالم دلوقتي بقى معتمد على حاجه اسمها Open source فكره الويندوز والنظام دا بدأت تختفي تتدريجيا وهنوصل لمرحلة انها هتنتهي بعد كام سنه إن مطوروش هما من نظامهم

ال Open Source لو متعرفهوش دا نظام مفتوح بيسمح للمبرمج إنو يشارك ويغير ويطور ويطلع ع أي برنامج أو كود ف أي ابلكيشن عندك ع الجهاز ... بمعنى مثلا ك أبسط تقدير برنامج ال word اللي كلنا عارفينو ... انت استخدامك ليه ف الويندوز مقتصر بس ع انك تخش وتستخدمو وبس ! لكن متقدرش تشوف الكود بتاع البرنامج مكتوب ازاي ! متقدرش تعدل على حاجه او تضيف حاجه محتاجها ف البرنامج ! تخيل ان دا واكتر من دا بيكون متاح ليك ف ال Open source ودا اللي احنا هدفنا نعلمو للناس !

خش واتفرج وعدل بنفسك هتتعلم لوحدك ! smile 


محتوى الكورس اللي بنقدمو تقدر تشوفوا من هنا


نيجي لتاني حاجه ال Net Club بيتكلم فيها وهيا ال Network !

ليه الNetwork واشمعنا ؟


ف كليتنا بالذات لو دخلت بتفضل تايه مش مركز ومبتفهمش يعني ايه Network اصلا الا لما توصل لسنه تالته وتاخدها ماده عندك وكمان بناخدها #قشور مش كل حاجه smile ال Network حاجه ممتعه جدا حاجه عاوزه دماغ #متكلفة زي م بيقولو شهادتها بتتاخد من سيسكو وتفاصيل تانيه كتير تقدر تعرفها عن محتوى الكورس اللي بنقدمو ف البوست دا

https://www.facebook.com/OPITEAM/photos/a.771819039611013.1073741828.770813019711615/818885791571004/?type=3&theater

طيب ليه اصلا تشترك ف نشاط طلابي لما ممكن تتعلم فديوهات ع النت م كل حاجه موجوده ؟

اوك لو عاوز كدا وعندك القدره ع كدا براحتك بس نصيحه متضيعش 4 سنين من عمرك ف الكليه من غير م تشارك ف نشاط وتتعامل مع ناس وتقعد ف اجتماع وتتاخنقو .. وتشيل مسؤوليه .. وتلتزم بوقت تحقق فيه حاجه ... وتتعود تتكلم مع ناس وتقول رأيك .. وتشرح لحد غيرك .. وغيرها حاجات كتير هتفرق معاك حقيقي.














الوصول للكلية


التواصل معنا


كلمة الموقع


تم إنشاء هذا الموقع في يوم 3-11-2013 ليكون مساعداً للمهندسين والمهندسات من طلاب الكلية ويكون مرجع لهم يعمل على حفظ جميع المحاضرات ووضعها بشكل منظم لتسهيل عملية الحصول على أي محاضرة في أي وقت ونتمنى من الله عز وجل أن يوفقنا جميعاً وأن يجعل الموقع سبباً لإفادة ولو مهندس واحد فقط.

الزائرون : 51599
المتواجدون الآن : 6